ຄະນະກົມການເມືອງສູນກາງພັກ ກອມມູນິດຈີນ ແລກປ່ຽນຄວາມຄິດເຫັນ
ຕາມຂ່າວສານຊິນຮວາ ລາຍງານວ່າ: ວັນທີ 21-22 ທັນວາ ນີ້, ຄະນະກົມການເມືອງສູນກາງພັກກອມມູນິດຈີນ ໄດ້ຈັດກອງ
ປະຊຸມແລກປ່ຽນຄວາມເຫັນແບບ ປະຊາທິປະໄຕ ທີ່ມີຫົວຂໍ້ກ່ຽວກັບການຮ່ຳຮຽນ ແລະ ຈັດຕັ້ງປະຕິບັດແນວຄິດສັງຄົມນິຍົມທີ່
ມີສີສັນພິເສດຂອງຈີນໃນຍຸກໃໝ່ຂອງ ທ່ານ ສີຈິ້ນຜິງ, ທ່ານ ສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດ
ຈີນ ໄດ້ເປັນປະທານກອງປະຊຸມດັ່ງກ່າວ ແລະ ໄດ້ກ່າວຄຳປາໄສອັນສຳຄັນ.
ກອງປະຊຸມດັ່ງກ່າວໄດ້ຮັບຟັງບົດລາຍງານກ່ຽວກັບສະພາບການຈັດຕັ້ງປະຕິບັດກົດລະບຽບ 8 ຂໍ້ຂອງພັກໃນກົມການເມືອງ
ສູນກາງພັກຄອມມູນິດຈີນ ນັບແຕ່ຈັດກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 20 ຂອງພັກກອມມູນິດຈີນ ເປັນຕົ້ນມາ, ບົດ
ລາຍງານວຽກງານກ່ຽວກັບການແກ້ໄຂບັນຫາຮູບການນິຍົມ ເພື່ອຫຼຸດພາລະຂັ້ນຮາກຖານໃຫ້ໜ້ອຍລົງນັບແຕ່ຈັດ ກອງປະຊຸມໃຫຍ່
ຜູ້ແທນທົ່ວປະເທດຄັ້ງທີ 20 ຂອງພັກກອມມູນິດຈີນເປັນຕົ້ນມາ.
ກອງປະຊຸມດັ່ງກ່າວຍັງໄດ້ອີງຕາມສະພາບຕົວຈິງດ້ານການບໍລິຫານພັກຢ່າງເຂັ້ມງວດ ແລະ ຮອບດ້ານ, ສະຫຼຸບຜົນສຳເລັດ, ສຳ
ຫຼວດຂໍ້ຂາດຕົກບົກຜ່ອງ, ວິເຄາະທາດແທ້ຂອງພັກ, ດຳເນີນການຕຳນິກັນ ແລະ ຕຳນິຕົນເອງ.
ແຫຼ່ງທີ່ມາ: ໜັງສືພິມກອງທັບ
ວັນທີ 28/12/2023